Vilja festa í sessi eignarhald útgerðar á veiðiheimildum

• Íhaldið gerir allt sem það getur til að vernda hagsmuni yfirstéttarinnar í landinu
• Nú hefur Sjálfstæðisflokkurinn virkilegar áhyggjur af stöðu þessarar elítu til frambúðar ef vinstri stjórnin heldur áfram sínu verki. 
• Landsdómsmálið er bara einn fleygurinn 

Það kemur greinilega fram í grein Einars K Guðfinnssonar í Fréttablaðinu í gær 26. janúar þar sem bent er á tillögur Geirs Haarde um breytingar á Stjórnarskránni þar sem hann í samstarfi með þáverandi formanni Framsóknarflokksins Jóni Sigursyni lagði fram á Alþingi og hefði fest enn í sessi yfirráðarétt útgerðarmanna á fiskveiðiheimildum til frambúðar.

 

 

Það vantar ekki skollaleikin hjá þessum spillingarflokkum og greinilegt er á þessari tillögu að þessum flokkum er algjörlega sama um fólkið í sjávarplássumm við landið.

 

 

 

Vísir - Sjálfstæðisflokkurinn og eignarhald á kvóta  

www.visir.is

Frumvarpstextinn var eftirfarandi: „Náttúruauðlindir Íslands skulu vera þjóðareign, þó þannig að gætt sé réttinda einstaklinga og lögaðila skv. 72. gr. Ber að nýta þær til hagsbóta þjóðinni, eftir því sem nánar er ákveðið í lögum. Ekki skal þetta vera því til fyrirstöðu að einkaaðilum séu veittar heimildir til afnota eða hagnýtingar á þessum auðlindum samkvæmt lögum.”

 

Af öllu þessu má ráða afstöðu Sjálfstæðisflokksins til þessarar spurningar sem í fréttaskýringinni er talið að verði kjarni nýrra fiskveiðistjórnarlaga.

 

Þessi texti sem er í grein Einars segir allt sem segja þarf um afstöðu Sjálfstæðisflokksins í sjávarútvegsmálum, flokkurinn tekur einarða stöðu með þröngum hagsmunum útgerðarmönnum gegn hagsmunum þjóðarinnar.

Landsdómsmálið fleygur íhaldsins

Þau hinu saklausu

 

• Ef Geir verður ekki sýknaður af Landsdómi situr hann uppi með dóm rannsóknarnefndarinnar til lífstíðar.

 

Um þann dóm breytir skoðun Alþingi engu, því dómur rannsóknarnefndarinnar er þegar fallinn. Það sama má segja um dóminn yfir dýralækninum, og krötunum tveim Ingibjörgu Sólrúnu og Björgvin
*
Eini möguleikinn til þess að þetta fólk verði hreinsað af dómi rannsóknarnefndarinnar og raunar sýknað af þjóðinni einnig, er að Landsdómur sýkni þau með vel rökstuddum dómi.
*
Annars hafa þau verið sek fundinn af rannsóknarnefndinni án þess að þessir fjórir aðilar hafi tekið til varna við réttann aðila. Sem er Landsdómur í þessu tilfelli.
*
Það er því furðulegt að þetta fólk sem telur sig vera saklaust skuli ekki sækjast eftir því að ákúrur þær sem á þau hafa verið bornar rannsóknarnefndinni fari ekki fyrir dóminn.
*
Þess vegna er auðvelt að álykta sem svo, að Það hljóti að vera mikill fiskur undir þessum steinum eða klettum ef hann er svona mikill.  

Þingið getur afturkallað ákæruna

Viðræður fara nú að hefjast

 

• Þó fyrr hefði verið.

 

Flestir segja að viðræður við ESB um sjávarútvegs- og landbúnaðarmál séu mikilvægustu hagsmunamál íslensku þjóðarinnar.

  

 

Það er auðvelt að taka undir það varðandi sjávarútveginn. En landbúnaðarmálin geta ekki talist til þeirra mála sem skipta íslendinga mestu máli.

Þar eru mörg mál sem eru mikilvægari s.s. málefni landans almennt og staða hans. Þar koma t.d. neytendamál og umhverfismál miklu framar og ýmis lýðræðisleg og stéttarleg réttindi. Einnig varðstaða um allar auðlindir þjóðarinnar og sjálft landið.

Að þjóðin standi ekki frammi fyrir þeirri hættu að erlendir aðilar kaupi upp landið meira og minna. Sú varðstaða er að sama skapi eins mikilvæg og varðstaðan um auðlindirnar og þar með fiskinn í sjónum og  hafið sjálft.

Þá verður að gæta þess að þjóðin verði á engan hátt aðili að einhverju hernaðarbrölti rétt eins og þeir Davíð og Halldór reyndu að leiða þjóðina í.

Steingrími er betur treystandi til að leiða þennan málaflokk heldur enn vingullinn sem var í þessu ráðuneyti áður.  Þeim manni verður aldrei treyst framar af minni hálfu.

En ég vil minna á fjölmargar viðvaranir Hjörleifs Guttormssonar gagnvart ESB. Hann hefur ætíð verið málefnalegur varðandi EB og ESB

Íslenskir embættismenn veiddir í dragnót ESB

• Ögmundur á auðvitað að skammast sín fyrir þessi ummæli

• Ef svo er, er það ekkert ný bóla því það hefur verið fastur liður í starfsemi ráðneytanna síðan Ísland gekk í fordyri þessa ríkjasambands 1. janúar 1970.

En Ögmundur Jónasson, innanríkisráðherra, lýsti áhyggjum sínum af því að embættismenn og ríkisstofnanir væru að ánetjast Evrópusambandinu á Alþingi í gær. Eilífar ferðir og dagpeningar heilli fólk.
*
Nú þá er rétt að minnast á þá staðreynd að forystumenn allra helstu hagsmunasamtaka á Íslandi hafa einnig verið fastagestir í funda- og veislusölum EB og ESB allar götur frá þessum tíma eða frá byrjun árs 1969.
*
Þar takast gjarnan upp persónuleg kynni með embættismönnum og stjórnmálamönnum ásamt forystumönnum hagsmunasamtaka bæði fyrir atvinnurekendur og fyrir launamenn. Allt yfir innihaldsríkum Guðaveigum og góðu svínakjöti.
*
Íslenskt samfélag hefur notið mikilla styrkja frá þessu fyrirbæri eins og t.d. skólakerfið íslenska um langt árabil og jafnvel samtökin „Heimsýn“ njóta verulegra styrkja frá ESB.
*
Það er einnig rétt hjá Ögmundi að ýmis hagsmunasamtök þvælast sífellt fyrir allri samningsgerð í ríkjasambandinu rétt eins og hér við íslensk stórnvöld.
*
Ögmundur sagði það enga tilviljun, að „embættismenn færu sífellt fleiri og lengri ferðir til Brussel og héldu þar við á kostnað ríkisins. Fólkið ánetjaðist þannig Evrópusambandinu enda heillandi að fara fleiri og fleiri ferðir og fá dagpeninga í hvert skipti“.
*
En hann hlýtur einnig að hafa áhyggjur af ferðum forráðamanna hagsmuna-samtaka íslenskra sem hafa verið lobbíistar við kjötkatla EB og ESB í yfir 42 ár samfellt og hafa náð miklum áhrifum á Íslandi í gegnum þessa starfsemi. B.S.R.B. var á fullu í þessari starfsemi sem og önnur hagsmunasamtök.
*
Fréttablaðið greindi frá.

Gagnrýnir málflutning Ögmundar

ESB eyðileggur jólin fyrir Kertasníki

• Þessi frétt birtist í ,,Dölum vestur" nú síðasta aðfangadag

Kertasníkir er ekki væntanlegur aftur um næstu jól.

„Æ, ekki tala við mig,“ sagði Kertasníkir grátandi í morgun og faldi andlitið í vinnulúnum lófunum.

Í þeim voru engin kerti.

„Ég skil þetta ekki. Í fyrra var sextíu kerta pera sextíu kerta pera. Nú segir Evrópusambandið að hún megi bara vera 38,3 kerta pera.

Út af einhverjum orku- eða umhverfis- eða eitthvað málum.

Ég skil þetta ekki. Kerti er kerti. Hvernig er hægt að vera eitthvað komma þrjú kerti?

Það er ekkert kerti,“ spurði Kertasníkir áður en hann brotnaði saman.

Aðspurður sagði Jón Bjarnason í skoðun að minnka tollkvóta á tólg frá Evrópusambandinu áður en frekari skaði hlytist af.

Nú förum við bara á þorrablót með dalamönnum og gleymum kertasníkir um stund, en e.t.v. kemur dalakútur á blótið með gamla fýlisvipinn.  Hér kemur mynd af karlinu í sinni uppáhalds myndastellingu. Þ.e.a.s. í ,,Lenin prófíl"

 

„Gegndarlaus áróður ESB"

Það upplýstist enn og aftur, að Alþingi er ekki almennings í landinu

• Heldur staður þar sem elítan setur reglur, sér í hag.

Ég eftirlaunamaðurinn var ekki með þær væntingar í raun og veru um að þessi stofnun sem við kjósum fólk til að vinna heiðarlega í, tæki upp þann sið skyndilega að vinna heiðarlega í þágu almennings í landinu.

 

Ef ég hefði einhverntíma haft væntingar, var það í upphafi þegar þessi þingflokkur VG var nýkosinn. Að hann myndi verða málsvari launamanna og myndi starfa  heill fyrir alþýðuna í landinu.

Að allir þessir þingmenn hefðu hlustað á raddir íslenska vorsins á Austurvelli  fyrir 3 árum. En stór hluti þessara þingmanna kaus nú eins og oft áður á þessu kjörtímabili, að standa með yfirstéttinni í landinu og hafa aldrei slakað þar á. Með mislöngum og innihaldslausum yfirlýsingum. 

• Þetta Landsdómsmál snýst ekki um Geir Haarde einann persónulega og fyrir dómi er enginn sekur nema að hann verði fundinn sekur. 

 Það er flokkurinn sem stendur á bak við Geir sem vill ekki að réttað verði. Bæði nýir og gamlir forystumenn flokksins er í raun alveg sama um Geir sem slíkan, það var stefna og vinnubrögð þessa stjórnmálaflokks í gegnum tíðina sem stendur til að færa fyrir þennan dóm. 

• Þegar það gerist, standa þessir gömlu skúrkar loksins berskjaldaðir 

 Enn hefur málið ekki verið dregið til baka, enn á eftir að taka fyrir frumvarp Bjarna sem síðan verður þá vísað til nefndar. Ég spái því að það eigi eftir að ganga á ýmsu nema að Sjálfstæðisflokknum takist að versla með málið og kemur þá helst upp í hugann stjórnarskrármál ýmiskonar. 

 

• Þetta var auðvitað einn af þessum svörtu dögum lýðveldisins sem við sauðsvartir launamenn þekkjum svo vel.
  *
• Það gerist alltaf þegar yfirstéttin með Sjálfstæðisflokkinn í broddi fylkingar veður á skítugum skónum yfir sauðsvartan almúgan í launamannastétt. Stéttin sem nú á engann málsvara sem hún getur treyst.

 

Það má ekki gleymast, að það var í raun Geir Haarde sem valdi þessa leið með rannsóknarnefnd í stað þess að fara leið suður-afiríkumanna.  Hún er í raun enn fær og gæti byggst á rannsóknar-skýrslunni. En þá verða gömlu foringjarnir enn og aftur berskjaldaðir. Þannig að það eru kanski litlar líkur á því að sú leið verði farin með leyfi Davíðs sem greinilega er hér að kippa í spotta.

 

Ekki aukið virðingu almennings

Kostuleg framsetning og hallærisleg eftir á skýring

 

• Nú hlær Davíð Oddsson á bakið á þessu  aumingja fólki

 

Framsóknarmaðurinn Jón Bjarnason furðar sig á hörkunni innan VG vegna tillögu íhaldsins um að Alþingi afturkalli ákæru sína á hendur Geirs Haarde. Ekki mun ég nota orðið sótraftur um Jón og aðra sem ég tel svikara við alþýðuna í landinu.

 

Ögmundur kemur mér svo sannarlega á óvart og þótt við höfum verið kunningjar um langa tíð virðist ég þekkja hann ansi lítið sem kemur líklega til af því að hann var aldrei í Alþýðubandalaginu.  Kanski hefði hann ekki átt neitt erindi í þann baráttuflokk og ekki heldur neitt af því fólki öðru sem Jón nefnir til sögunnar.

Það var almenningur sem fundaði í 20 vikur á Austurvelli sem krafðist þess, að ríkisstjórn Geirs Haarde yrði dreginn fyrir Landsdóm.  En stór hluti þingflokks VG eins og hann var eftir síðustu kosningar brást þessum almenningi, einnig Lilja sem flutti tvær ræður á þessum fundum.

Almenningur krafðist fyrst og fremst vinstri stjórnar og skipti þá engu hvort sótt yrði um aðild að ESB eða ekki. Almenningur vildi losna við Sjálfstæðisflokkinn úr stjórnarráðinu og Framsóknarflokkinn einnig.

Framsóknar- og Samfylkingarmaðurinn Jón Bjarnason hefur löngum verið reiður félögum í Samfylkingunni eftir að þeir höfnuðu honum í prófkjöri forðum. Þ.á.m. félagar Ragnars Arnalds sem þá var einnig Samfylkingarmaður og talinn vera einn mestur áhrifamaður í þessu kjördæmi.  En skipti um flokk eftir að hann gat komist í bankaráð Seðlabankans og fengi að starfa þar með Davíð nokkrum Oddssyni.

Það var auðvitað sorglegt að prófkjörsreglur flokksins buðu upp á það, að fjöldi manna komust á lista VG án þess að vera vinstrimenn.

 

Hér má sjá bloggfærslu Jóns Bjarnasonar sem eins og fleiri láta nú hefndarhug ráða sinni pólitík:

„Breiðu spjótin

Athygli vekur hversu  heiftug umræðan er um tillöguna að Alþingi afturkalli ákæru sína á hendur Geir H. Haarde.

 Hvað svo sem mönnum finnst um þessa tillögu hefur hún verið úrskurðuð þingtæk og að mínu mati eðlilegt að hún fái þingræðislega meðferð og málefnalega vinnu af hálfu Alþingis.

 Sumir þingmenn virðast hafa tekið sér einkarétt á orðbragði eins og „sótraftar“  um félaga sína sem gera málefnalega og áreitislaust grein fyrir skoðunum sínum.

Kallað er eftir afsögn ráðherra og þingmanna og talað er um svik.

Fyrir suma kann þessi málflutningur að  vera nauðsynlegur til að draga athyglina frá  eigin svikum  eins og t.d. í ESB málunum.

Aðrir kunna að vera  í vörn fyrir forystumenn Samfylkingarinnar sem sátu í hrunstjórninni og dönsuðu þar með Sjálfstæðisflokknum,  en horfa nú gleiðbrosandi á.

Fyrir mér er þetta því miður of kunnuglegt  orðbragð. 

 Þetta er hluti af aðför til losa sig við öfluga félaga  úr trúnaðarstörfum eða ýta þeim úr flokknum.

Þessari aðför er beint gegn þeim sem standa í stafni á skútu þeirra hugsjóna sem, Vinstrihreyfingin  grænt framboð var stofnuð um.

Með þessum hætti  var aðförin að þingmönnunum Atla Gíslasyni, Ásmundi Einari Daðasyni og Lilju Mósesdóttur.

Og nú skal láta sverfa til stáls gagnvart Ögmundi Jónassyni og Guðfríði Lilju Grétarsdóttur.

Er nema von að félögum í VG  um allt land blöskri“.

 

Svo sannarlega svíður því fólki sem hélt að VG myndi gæta að sérhagsmunum ýmissa aðila í landinu. Eins og t.d. hagsmuna stjórnar stéttarfélags bænda og LÍÚ

Næstversta niðurstaðan

ASÍ forystan er í vanda

 

• Alltaf þegar svo er, er óvinur gjarnan skilgreindur sem opinber starfsmaður ef ríkisstjórnir hvers tíma duga ekki til. 

 

Nú eru það eftirlaunaréttindi opinberra starfsmanna. Almennu lífeyrisjóðirnir eru í þeim vanda að standa ekki undir þeim kröfum sem launamenn gera eðlilega til þeirra. Launamenn sem greiða 12% flatan skatt til þessarar hítar án þess að fá nokkurntíma til baka sem lofað hefur verið.

 

 

• Ekki er það sök opinberra starfsmanna þótt ríkisstjórnir síðustu áratuga hafi ekki greitt sitt framlag í svonefndan lífeyrissjóð opinberra starfsmanna. Launamenn hafa þegar greitt sitt framlag og það ríflega. 

 

Opinberir starfsmenn hafa ekkert á móti því að allir launamenn njóti sömu lífeyriskjara í landinu. En til þess að svo megi vera verður að leggja af þetta sjóðakerfi og þess í stað verði tekið upp eftirlaunakerfi þar sem allir landsmenn fengju sömu eftirlaun í öllu landinu og kostnaður við greiðslu slíkra eftirlauna yrði kostaðar með hækkun á tekjuskatti. Þá yrði einnig að tryggja að allir greiddu tekjuskatt eftir skattareglum þar um.

Ég býst einnig við því að opinberum starfsmönnum myndi þykja vænt um að launagreiðslur í landinu yrðu einnig jafnaðar milli samsvarandi starfa. Er þýddi að það þyrfti að hækka laun verulega hjá almennum starfsmönnum hjá hinu opinbera.  Það eru bara staðreyndir sem ekki verður litið framhjá.

Vilja þeir falla frá sínum lífeyrisréttindum?

Kjarasamningum verður ekki sagt upp, það væri bara hrein della

 

• Þetta er skrifað nú í morgun um sex leitið  og þá var fyrirsjáanlegt hvernig formannafundur ASÍ fer.
  *  
• En það er viðbúið að einhverjir formenn noti nú tækifærið til að láta bera á sér örlítið. Það er auðvelt að skammast út í þann sem ekki svarar fyrir sig. Formenn ASÍ félaganna er sérfræðingar í að finna blóraböggla

 

En ASÍ er að leika í einhverju leikriti sem enga þýðingu hefur og einstök stéttarfélög eru að senda hvort öðru skilaboð. Það er t.a.m. fýla í verkamannafélögum á Austurlandi vegna þess að fiskimjölskallar voru sviknir af nokkrum öðrum félögum.

Líklegt er að vestmanneyingar séu að einhverju leiti undir hælnum á bæjarstjórn og stórútgerðinni í eyjum og munu svara kalli þeirra.

Forystmenn hafa mestar áhyggjur af skattlagningu á lífeyrissjóðina en hafa engar áhyggjur af öðru nema að þeir gleyma ekki því sem þeim var sagt að gera en það var að hrópa hátt um stórframkvæmdir sem ekki verður farið í neinum loftköstum.

Staðreyndin er reyndar sú, að lífeyrissjóðakerfið er á enda komið og nauðsynlegt er að breyta eftirlaunakerfinu í landinu.

Það er helst, að eðlilegt er að hafa áhyggjur af þeim sem lifa við atvinnuleysisbætur og aðrar bætur í samfélaginu.

Ríkisstjórnir gera ekki samninga við stéttarfélögin í landinu og löngu er kominn tími á það, að þessir aðilar hætti að hafa þessi áhrif á landsstjórnina. ASÍ félögin hafa enga möguleika til aðgerða nú við þessar aðstæður en að dingla sem aftaníossar hjá samtökum atvinnurekenda og það er það sem ASÍ gerir nú eins áður síðustu árin. Síðan geta forystumennirnir Vilhjálmur og Gylfi knúsast að vild

Formönnum heitt í hamsi

Að skauta framhjá kjarna málsins

Grein Ögmundar í Morgunblaðinu í gær er mjög góð og hreinskiptin út af fyrir sig. Upprifjun  og lýsing Ögmundar á því hvernig ónýt og siðlaus stefna Sjálfstæðisflokksins framkallaði svo hastarlega kollsteypu, að engu mátti muna að þjóðfélagið færi á hausinn raunverulega.  Einnig hvernig þessi stefna steypti fjárhag þúsunda heimila í voða.

 

Það merkilega gerist síðan að flokkspólitískir grjóthnullungar Moggans hrósa Ögmundi fyrir greinina og einkum fyrir það, að Ögmundi finnist ótækt að Geir Haarde hafi einn verið færður fyrir Landsdóm. Það eru auðvitað margir sammála því og einnig allir þingmenn VG, þeir eru allir sammála því að þeir 4 ráðherrar sem rannsóknarnefnd Alþingis nefndi á nafn hefðu átt að fara fyrirdóminn. En e.t.v. hafa alþingismenn eyðilagt allt þetta mál.

En upphaflega krafan um að allir ráðherrar ríkisstjórnar Geirs Haarde yrði færðir fyrir dóminn kom ekki frá Alþingi eins og Ögmundur heldur fram, heldur var það mannfjöldinn sem mætti á fundina á Austurvelli í 20 vikur sem kröfðust þess. Þannig að þetta mál var í raun kosningamál.

Stærstur hluti þeirra sem mætti á þessa fundi voru kjósendur Samfylkingarinnar en einnig kjósendur VG.  Það voru síðan kjósendur og félagar  Samfylkingarinnar sem fjölmenntu fyrir utan Þjóðleikhúsið  þar sem Samfylkingin hélt fjölmennan fund og mannfjöldinn krafðist þess að flokkurinn segði sig úr þessari ríkisstjórn.

En forysta flokksins sem hafði svikið almenna flokksmenn og kjósendur með því að mynda ríkisstjórn með Sjálfstæðisflokknum. Samfylkingin sagði sig úr ríkisstjórn í kjölfar fundarins, hún gat ekki annað.

Ef forystumenn Sjálfstæðisflokksins viðurkenndu mistök flokksins og að stefna hans hafi verið ónýt og siðlaus á þessum tíma væri auðveldara að leysa þennan hnút. En flokkurinn hefur þvert á móti ekki viðurkennt sína sök í málinu og sýna bara hroka og halda fram sömu stefnu og áður. Með þeim hætti sem Ögmundur telur upp.

Sjálfstæðisflokkurinn skuldar einnig þjóðinni að hann standi með ríkisstjórninni við að byggja upp samfélagið og að vinna upp skaðann. Ekki gengur lengur að leggja allann kostnaðinn á launamenn eins og alltaf áður við svipaðar aðstæður sem þessar.

Mér finnst Ögmundur skauta framhjá kjarna málsins, sem er krafa almennings um að gömlu valdaflokkarnir viðurkenni mistök sín á raunverulegan hátt. Að þessir flokkar aðstoði við að laga stjórnarskránna til að koma í veg fyrir fleirri mistök af þessu tagi.

Það voru ekki alþingismenn sem áttu frumkvæðið að þessu dómsmáli. Ögmundur er í raun að þvælast fyrir vilja almennings í þessu máli.

Gagnrýni á röngum forsendum